6056q01

Extracted Content: 6056q01

Page 1

Extracted Text

ZIMBABWE SCHOOL EXAMINATIONS COUNCIL

General Certificate of Education Advanced Level

TONGA LANGUAGE 6056/1

PAPER 1
SPECIMEN PAPER 3 hours

Additional materials:
Answer Paper

CHIINDI: Mahola aatatu.

MALAYILILE KULIBASIKUSUNKWA

Lemba zina lyako, mweelwe wabusena mpulikusunkilwa amweelwe wako
nusikusunkwa mumyeenya yakulembela njupedwe aapepa lyako
lyansandulo/mukabbuku kansandulo.

Sandula mibuzyo yoonse njutasale muC hiT onga.

Lemba nsandulo zyako mumapepa aakulembela ngwaapegwa.

Naa wabelesya mapepa aabili naakuti aayindilide, awange antoomwe.

NCHENJ EZYO KULIBASIKUSUNKWA

Butebuzi bupegwa mubuzyo umwi awumwi naa kapanzi kamubuzyo bulitondeezedwe
mumanteeka[ ] kumamanino aamubuzyo.

Musunko ooyu ulimumapepa aalimusanu aalimwi aalembeledwe, aatatu aatalembeledwe.
Copyright: Zimbabwe School Examinations Council, Specimen paper.

©ZIMSEC Specimen paper [Turn over

---

Page 2

Extracted Text

CHIPANZII

SANDULA MIBUZYO KUTOBELEZYA MALAYILILE AALIMUCHIPANZI
CHIMWI ACHIMWI.

Basikusunkwa bachenjezegwa kuti bamane hola limwi kabasandula mubuzyo
uuli muchipanzi eechi.

Sala mutwe wamakani ube uumwi kuleeyi iitobela mpawo ulembe lwaano, njoomo
naakuti lugwalo amabala alaakati kamyanda ilimusanu amakumi alimusanu kusika
kumyanda iilimusanu ayibili amakumi musanu (550-750). Mulugwalo, ikkeyala,
njuzyo akooneka tazibalwi pe mumyeelwe yamabala awambidwe. Kunjoomo mazina
abenilwaano alawo tabalwi pe mumyeelwe yamabala.

(a) —_ Lemba njoomo aakati kabazyali batatu balikugamba masandumasandu aakaba
mukupona mazuba aano.

(b) _‘ Pandulula aatala achiyanza chakunjila mung’ anda.
(©) Kuya kuchikombelo mazubaaano nkujana mayubilo.
@ Chamusambazi chakanunka tombe.

i) Lemba lwaano lulaamajwi aatobela: “Ambuuli sunu kuti ndayeeya anga
ndasyoma kuti kuzyalwa babili mbwaami.”

(3) Uli uumwi wabana bakayinkide kumuswangano wazyiiyo zyamibeleko
(Careers Day). Lemba ngambo kuli sikupupulula malembe aapepatwaambo
kwaamba zyakajata moyo wako.

(g) Zyamisobano njiimwi nzila ilikusumpula bachikula mukupona kwabo. Lemba
lugwalo kumupati wazyamisobano mubbooma lyanu kukumbila zinga
zilagwasya mukusumpula misobano.

[50]
CHIPANZI II

Bala lwaano lutobela mpawo usandule mibuzyo iilaansi.

Sabelo wakaya kwakwe dilwe nilyakayinda. Wakajana Cheelo alakwe kali wapiluka
kuzwa muchibbadela. Zilonda zyoonse nzyakapyide amubili Malilwe zyakaliponede.
Bana bakamusekelela nibakamubona wisi akubabweza beense kumwi kakkala
aachuuno chipati. Cheelo wakalyoolola akuti, “he, he, he! Ulachibona ayebo sunu
mbukunga bamayanga balakataazya kulela akukomezya. Ayitwe Chaala atulele
mbabo. Kutegwa tujuzyanie kabotu tumvwe naa mwakeenda buti kudilwe.

Sabelo wakamwiita Chaala. Uchimana boobu wakamwaambila mukayintu wakwe
mbuli mbulyakeenda dilwe. Bakayooma kwachiindi chilamfu pesi walo Sabelo
zyamukamubba mwaange. Cheelo alakwe wakalikatede nkabela wakayeeya kuti

nchibotu basambe bamana balyookezye.
6056/1 Specimen paper

---

Page 3

Extracted Text

Kumazuba kwakasika luwayile kuzwa kuZambia lwaamba kuti mulumbe wadilwe lyaMatimbulane wakatambulwa. Alimwi mulumbe uumbi wakali wakuti mwana waSikelepa mubele wakazimina. Dilwe lyakali kung’anda kuli Sikelepa kuLibingi. Michelo alakwe wakachiswa kuluka, kukola akukoka. Aboobo ba Sabelo bakali kuyandikana chakufwambaana kusika kudilwe kuLibingi kuZambia. Alubo, mukaSikelepa wakali muchibbadela nkaambo motokala ngwakatandide wakabbewuka naakali kuzwa kukuula zintu zyakuuzya kumunyinza waZimbabwe. Wakakosoka kuulu kwakululyo alimwi kumutwe tekwakali kulangwa tubili pe. Kwakali kwakuti sizi sunu naa bulacha. Sikelepa uli aaakati amandoomba.

Amane kukanana amubelesi waSikelepa, Sabelo wakatula aansi luwayile. Wakalanga
mukayintu wakwe, kumane misozi yakakunka. Wakayeeya banyina bakachili kulila
mwanaabo amwanaakwe wakapyide meenda aabila. Ino nchinzi chakali kubalya
mumukowa? Ino musanguunzi wabanjilila mumaanda aabo? Mizeezo yakavula
mumoyo wakwe, wakabula achakuchita. Ijwi lyaCheelo ndyakamvwa_ ndilyo
lyakamutilimuna, ‘Ino Sabelo, Sabelo mulumaangu, nchinzi chabija nchulila?”

‘Cheelo malweza atungana mulongo. Luwayile oolu lwazwida kung’anda yaSikelepa
kuLibingi. Lujisi mulumbe walufu lwamwana waSikelepa akuchiswa kwabanakwe.’

Cheelo akamuyuma mate munkanwa. Wakalijata kumulomo wakwe. Misozi
yakaloka njeyo aampemo lumwi yanjila munkanwa, pesi taakwe nakayisinda pe, biyo
kufwinkila. Sabelo wakabweza luwayile akulumya kuli Dankeni kung’anda yakwe.
Walubweza luwayile Dankeni kumwi kati, “Kwaamba mweenima ani nduwe.
Mbayumu bana bako amukayintu?”

“Toonse tuli kabotu pele biyo mawuse ngitwatambula kuzwa kuLibingi ...” Ijwi lya
Sabelo lyakali kudedema nkaambo naambuula misozi yakali swini kiikunka. Dankeni
wakawumuna kwachiindi chilamfu kumane wakati, “Ndawuteelela mulumbe
mweenima. Juunza tukatante ndeke kuya kudilwe kuLibingi.” Bakalayana akutula
luwayile.

Nyika nguchimena babi ababotu. Twaambo tulachitika mumadolopo. Banyina
Sabelo abalo bakatuminwa luwayile kuzwa kuli Dankeni akutalika kulibambila
Iweendo. Moyo bakawuyumya kuti chita bayinke biyo nkaambo Sikelepa wakali
mukwe wabo alakwe. Buzuba bwakatobela bakaswaanana kubbuwa lyandeke.
Nichakasika chiindi chakuuluka bakatanta boonse nkabela musimbi uulanga bantu
mundeke wakabalayilila kuti balyaange matambo amundeke nkaambo ndeke yakali
kuyanda kuuluka. Bakasika muLibingi kalitwa mwaaba. Bakatanta mootokala
akugama kung’anda yadilwe. Sikelepa wakali kweetezya chitaambiki. Anga
wazemba walibbwavula chitaambiki. Akulako kuchibbadela mukaSikelepa wali
kufumba bulamfu.

6056/1 Specimen paper
[Turn over

---

Page 4

Extracted Text

Nibwakacha dilwe lyakamwayikwa kwachaala biyo basimukowa. Mbubuzuba oobu mbubakamvwa kuti alakwe Siphinkisi musankwa waMutinta wakazimina mbwakazwida biyo muntolongo. Kwategwa alakwe wakachiswa chinichini chakunga wakali wachaazya biyo mafuwa. Buzuba bwakatobela Sabelo wakabweza iiya kuchibbadela kuyoobona muka Sikelepa. Wakajana kuti wakali chisidwe kapati, “Musa Sabelo teelela nkwaambile. Ntenda yakachita kabotu nkaambo nindakali kuBulawayo ndakayinkide amusankwa wangu kukweendeenda. Taakwe pe, tiindakali kumakwebo. Lyoonse ndakali kusisa kuti ndijisi musankwa uumbi kuZimbabwe. Mumambi wangu wakajanwa bulwazi bwasikalileke nkabela andime ndaabulwazi oobu. Alakwe Sikelepa wlanditobela kuti ndafwa nkaambo ndakamutabukizya.

Sabelo wakanyandwa kuteelela makani aaya. Wakati, “Musa ani chakakupa kuti
uleke kulilemeka mbuuli mbwakali kuchita kumuunzi niinzi? Numupati woonse ....
Lino langa mapenzi ngwaliletela amubili wako. Makani aaya uleelede kwambila
mulumi wako nkaambo mapati, ayumya mate munkanwa ...”

Nakasika kung’anda wakajana bantu boonse bakacheede balikkede mung’anda
yakukkalila. Bakapangana mbuuli mbubakeelede kweenda kubweeda kuJoobeki.
Pesi balo banyina Sabelo bakaamba kuti nchibotu kuti ntangune kuswaya bamadaala
kumuunzi kwa Machoni mazuba obile kwamana bakasike akuChikuni. Boonse
bakazumina nkabela chiindi chakulya nochakayinda, bakaya kukoona mumazyuuli.

Nsondo yomwe yakayinda dilwe kalyiindide. Bakajokela kwabo ooko
nkubakaakujana Chaala kasamide ntasa kukanwe. Nibakamukkazika aansi wakati,
“Mebo ndiyanda kukwatwa muchado kuli Sepo. Nsekkombi naa ndichiswa bulwazi
bwasikalileke. Kuti mundikasye mebo ndilanywa munsamu walogo ndilijaye.”

Bakawumuna biyo boonse pesi banyina Sabelo bakati, “Maawe, maawe eeyi nyika
eeyi, ino nkuuli nkutungana? Buumi bwamudolopo bwamana bana, bwabalya. Oobu
buumi bwamudolopo mbuumi bwakukkala kosunsumene.” Bachimana kwaamba
boobu boonse bakatikinia mitwe kumwi kabayeeya majwi akali kubalaya
muchembele bina Sabelo. Koyenda kumwi kopakamika matwi nkaambo nyika
yamena maamvwa.

Lwaano oolu lwakabwezwa akubambululwa kuzwa mulwaano lwa Elfridah M’hango (2009),
Buumi Bwamudopo, ZEPH.

6056/1 Specimen paper

---

Page 5

Extracted Text

MIBUZYO

(a) Cheelo wakali kukuchitaanzi kuchibbadela? 1
(b) Wamba zitondeezyo zibili zyabulwazi bwakali kuchiswa Michelo. 2
(© Ngwani wakazibisya Sabelo mapenzi akwaSikelepa? 1
(ad) —_ Sabelo ampuli yakwe bakali kukkala kuli? 1
(e) Lyakali dilwe lyani nkwakali kuzwa Sabelo mumunchali mutaanzi? 1
(f) Pandulula mulumbe wakatambulwa kuzwa ku Libingi. 2
(g) _—_‘ Bakajatikana biyeni ba Sabelo a Cheelo kumulumbe wakwaSikelepa?

Pa bukamboni. 2
(h) Basimukowa mbatu bali biyeni? 1
(1) Kazuzikizigwa biyeni kasimpi; ‘Kunyina chisisidwe chitakabi

antanganana’ mulwaano oolu? 2
q@) Niinzi chakagambya Sabelo kumakani aamuka Sikelepa? 3

(k) | Bina Sabelo bakamvwa biyeni anchito yaChaala yakusama
ntasa kukanwe? Sakwida nsandulo yako. 2

(()) Muchembele bina Sabelo utondezedwe kali muntu ulibiyeni?
Sakwida nsandulo yako. 2

6056/1 Specimen paper
[Turn over

---

Page 6

Extracted Text

(m)

Pandulula mabala azidyunkuminchali zitobela mbuuli kubelesegwa
kwazyo mulwaano.

@ bamayanga

di zyakamubba mwaange

(iii) | mubele

(iv) uli akati amandoomba

(v) malweza atungana mulongo
(vi) — nyika nguchimena babotu ababi
(vii) kalitwa mwaaba

(viii) nibakamukkazika aansi

(ix) | kusunsumene

(x) kopakamika matwi

6056/1 Specimen paper

---

Page 7

Extracted Text

BLANK PAGE

6056/1 Specimen paper

---

Page 8

Extracted Text

BLANK PAGE

6056/1 Specimen paper

---