2021_shona_alevel_nov_paper2

Extracted Content: 2021_shona_alevel_nov_paper2

Page 1

Extracted Text

Fer Perfo

ZIMBABWE SCHOOL EXAMINATIONS COUNCIL

General Certificate of Education Advanced Level

SHONA LANGUAGE 6054/2

PAPER 2: Dudziramutauro, Misambo nePfupiso
NOVEMBER 2021 SESSION 3 hours

Additional materials:
Answer paper

NGUVA: Maawa matatu
RAYIRO KUVANYORI VEBVUNZO
Uchapiwa mapepa okunyorera mhinduro dzako.

Nyora zita rako, nhamba yenzvimbo yauri kunyorera nenhamba yako yawakapiwa somunyori
papepa roga roga remhinduro rawashandisa.

Pindura mibyunzo neChiShona.

Pindura mibvunzo miviri kubva muChikamu A, miviri kubva muChikamu B nekupindura
mubvunzo wemuChikamu C.

Cherechedza mirayiro iri pamubvunzo woga woga.

Ukashandisa mapepa anodarika rimwe, asunganidze pamwechete.

ZIVISO KUVANYORI VEBVUNZO

Zvibodzwa zvakapiwa muzvikomberedzo izvi ()} pamagumo pechidimbu chemubvunzo, uye izvi [ ]
panoperera mubvunzo woga woga.

Bvunzo ino yakanyorerwa pamapeji mashanu nematatu asina kunyorwa chinhu.
Copyright: Zimbabwe School Examinations Council, N2021.

@ZIMSEC N2021 [Enda kuseri

---

Page 2

Extracted Text

2 CHIKAMU A: MAUMBIRWO EMUTAURO [40] Pindura mibvunzo miviri muchikamu chino.

Verenga zvirevo zvinotevera ugopindura mibvunzo iri mumashure mazvo.
(a) | Nguva dzese tinodya sadza remasikati nemurivo.
(b) _ Baba nasekuru vanofara.
(c) | Mombe yedu tsvuku yakabereka.
(d) Rimwe gore takarima chibage chembeu yetsoko tikakohwa masaga makumi matatu.
(e) Ini Gudo ndinodya matamba akaibva.
@ Nyurura ndevo dzezvizita chete kubva muzvirevo zviri pamusoro. (10)
(ii) Ratidza kuti ndevo yechizita yega yega yawanyurura pamusoro iri

kushanda basa rei. (10)

[20]

Verenga ndima inotevera ugopindura mibvunzo yapiwa.
Tsitsi akati piku kahwigi kake kakasakara ndiye pfe-e mumusoro maiva musina
bvudzi sezvo ainyara kuonekwa mupatravara wake. Paakati achingopinda mukereke,
vanhu vose vaivamo vakati maziso je-e kwaari sezvinonzi ainge asina kupfeka. Mai
Mufundisi kungomuti ba-a kumuona vakati simu somwunhu ari pamakwikwi okumhanya,
svikei ndiye naye kwati kwati sezvo vaimufarira. Pakapera mharidzo vanhu vose vakati
rongondo panze paive pazere motokari mbishi. VaTsitsi vangu vaive vongoti boi boi
nenyadzi zhinji asi Mai Mufundisi vakaramba vati name naTsitsi sechinamira kuti
arambe achiuya kukereke.
@ Nyurura ndevo dzenyaudzosingwi dzose dziri mundima iri pamusoro. (10)
(ii) Zvino, chinyora uchipatsanura nekudoma nhengo huru dzinoumba ndevo

dzawanyora mu(i). (10)
[20]

6054/2 N2021

---

Page 3

Extracted Text

Verenga zvirevo zvinotevera ugopindura mibvunzo iri pasi pazvo.

(a)

(b)
(c)
(d)
©)
)
(g)
(h)
@
(ii)

Baba vachazvirega zvekuba nyama kana vakasungwa nemapurisa necheni dzayo

dziya.

Vana vedu ngavatichengeterewo nzungu dzatakarima muchando.
Takamutakurira mabhuku ake mashoma mudzidzisi wedu.

Nhasi ndasvika pachikoro ndikapiwa basa rekuita nevamwe.
Tinoridza mumhanzi misi yose manheru.

Rega kushamwaridzana nembavha idzo.

Benzi rakabvarura hembe nemaoko.

Akamupindura seanopenga.

Nyurura ndevo dzose dzezviito kubva muzvirevo izvi.

Patsanura ndevo dzezviito dzawanyurura uchiratidza zvakadziumba.

Verenga zvirevo zvinotevera ugopindura mibyunzo iri pazasi.

(a)
(b)
(iii)
(iv)
(v)
(vi)
(vii)
(viii)
(ix)
(x)

Murume nemukadzi vakaenda kumusha nebhazi.

Chisikana chenyu chiri kutora kosi kuNamibia.

Timu yevakadzi yakakundwa pamutambo nezuro.
Haachavatakurira masaga echibage nengoro.

Mbudzi idzo hadzigari pasi pemuti kana mudanga.
Twuchauya kubasa netsoka setwupenzi.

Baba vangu vanoedza kupenengura nemaoko mbatya dzacho.
Ruth achavatumira mari kaviri pagore.

Chera gomba nebadza rako.

Ndakazviona nemaziso angu.

6054/2 N2021

(10)

(10)
[20]

[Enda kaseri

---

Page 4

Extracted Text

@ Nyora ndevobonga dzezviito dziri muzvirevo zviri pamusoro uchipatsanura muiti kubva kuchiitwa. (10)

(ij) Zvino chinyurura zviwedzerwa chete zviti muzviitwa zviri pamusoro
ugonyora mazita azvo. (10)
[20]

CHIKAMU B: MISAMBO
Pindura mibvunzo miviri muchikamu chino.
Tsanangura tsika yokutanda botso uchijekesa zvaunoyemura paiti. [20]

Donongodza nzira dzava kushandiswa nevakomana pakupfimba vasikana
vavanoda kuroora. [20]

(a) Tsanangura zvinofanira kukosheswa pakuzivisa vanhu nezverufu
rwehama yavo yepedyo. (10)

(b) Ndezvipi zvava kuitwa mazuva ano zvisisina kukodzera pakuzivisa rufu. (10)

Donongodza zvizere tsika yokukumbira (kubvunzira) pakuroorwa
kwemwanasikana mumhuri, uchiyemura mutauro nezvinoitwa navanhu
yakasiyana-siyana patsika iyi. [20]

CHIKAMU C: PFUPISO
Uchishandisa mazwi anosvika zana, nyora pfupiso yendima inotevera nemazwi ako.

Mai Zipfende vakatarisa kuna Mai Mashumba vakati, ‘Ndinofunga kana
Mai Mashumba vakanzwawo zvandakanzwa ini.’

Mai Mashumba vakabvumawo. Vakati, ‘A, ini ndakangonzwa zvokunzi iwe Vida,
nomurume wako, navamwene vako, naVaTigere, makaenda kun’anga kwaMugandani.’

Makazvinzwa? Ko, makazvinzwa naani?’

‘Ini ndakataurirwa namai vaJane, ndikazotaurirwazve kudaro naiye Jane.’

Mai Zipfende vakati, ‘Kana neniwo ndivo vakanditaurira vose vari vaviri, asi
zvakangofamba nenyika yose. Ndakazonzwawo zvongotaurwa nevanhu vazhinji, kana
nevekure. Handizvo here Mai Mashumba?’

‘Hapana asingazvizivi kani Mai Zipfende. Zvakafamba kwese kwese. Asi
pazvakasvika mberi mberi, zvakanga zvava nezvizukuru mukati.’

Mwoyo waVida wakavhunduka. Akatadza kuwana chokufunga nezvinhu zvakadai,
kuti nyika yose izive zviya zvakataurwa naMugandani? Ko, zvino angafambe sei pane
yanhu? Heya izvi aingofamba zvake, nyika yose ichisara yomuseura gotsi iye apfuura?
Akabvunza. ‘Ko, zvino zvinonzi takanonzi kudiiko naMugandani?’ Vida akabvunza
mubvunzo uyu nezwi raiva kure kure, kunge akanga achirota.

Mai Zipfende vakati, ‘Vida, pakutanga chaipo zvainzi makaenda kun’anga kwaMugandani
iwe ukanonzi wakanga wakapfimbwa nomumwe mukomana wawakazoramba uchida
Simon, Hunzi mukomana iyeye, pawakamuramba, akashatirwa, achibva akupinga kuti urege
kuzomboita mwana upenyu hwako hwese.

6054/2 N2021

---

Page 5

Extracted Text

§

Asi zvinonzi mudzimu wakapinda nemhepo kwauri, uchibvumira kuti mukomana uyu
akupinge ndewambuya vako. Vaiti mbuya vako ava, vaiva neshavi rouroyi, ravaida kukupa.
Iwe ukabva waramba. Ivo ndokushatirwa, vachibva vabvuma kuti mukomana uyu akupinge.
Ndizvo zvaitaurwa pakutanga izvozvo. Chiregawo Mai Mashumba vakutaurirewo
zvakazenge zvotaurwa nevanhu mumashure, nokuti kana shoko rofamba rinozosvika mberi
rava kupamhidzirwa twakawanda kwazvo. Taurai zvenyu Mai Mashumba.’

Mai Mashumba vakati, ‘Ini ndakazonzwawo vamwe vanhu vokure kure votaura kuti
Vida akanobatwa kwaMugandani kuti akambenge aroorwa nomumwe murume akanga
amuitisa pamuviri. Zvino akazonyengana naSimon achibva abvisa pamuviri ipapo,
nokuramba murume uya. Hunzi ndipo pakashatirwa murume iyeye achibva apinga Vida kuti
asazomboberekezve mumwe mwana. Izvi zvambuya vako zvaingotaurwazve
sokutsanangura kwaita mai Zipfende. Zvino chandinoziva ini ndechekuti vamwene vako
Vida ndivo vakatanga neshoko iri, vachitaurira Jane namai vake. Jane namai vake ndivo
vakazoifambisawo, ndokuramba rongofamba kudakara rati tekeshe nenyika yose.’

‘Vasikana imi, ropa rangu rakaipa chokwadi. Zvose izvozvo zvinotaurwa nevanhu
ndezvekunyepa. Mugandani akanyepa chaizvo. Handina mukomana wandakamboda kunze
kwaSimon, uye ambuya vangu vakanga vasiri muroyi.’

‘Izvo tinozviziva tose Vida, vakadaro Mai Mashumba. ‘Vanhu vari kukunyepera.
Asika haungakwanisi kudzivirira vanhu kutaura zvavanoda. lye zvino zvavanotaura zviri
kubva zvataridzika sechokwadi, nokuti magara gore rose nomurume, asi hapana mwana.
Chokwadiwo vanhu vanongofunga kuti zvawakataurirwa naMugandani ndezvechokwadi.
Saka wotoziva zvako zvokuita Vida mununw’na.’

‘Ko, zvino ndingaiteiko nhai vasikana?’

Mai Zipfende ndivo vakamupindura. ‘Munoziva zvandinofunga ini? Ndinofunga kuti
zvingatobatsira Vida ndezvekuti aratidze vanhu kuti zvavari kutaura hazvisi zvechokwadi.’

‘Ko, ndingavaratidze sei kuti hazvisi zvechokwadi? Ndingafambe here nenyika ino
yese, ndichitaura nomunhu mumwe nomumwe, ndichimutaurira kuti zvawakanzwa hazvisi
zvechokwadi?’

‘Kwete Vida. Izvo hazvimbobviri. Uye kana dai zvaibvira zvazvo, ivo vanhu
vangakuite benzi.”

‘Ko, zvino ndoita sei?’

‘Chiratidzo chimwe chete bedzi chinganyaradze miromo yevanhu vose Vida usina
kumbotaura navo iwe wakangonyarara zvako, ndechekuita mwana. Chokwadi vanhu vose
vangabve vanyarara; vachinyara zvakare pamusoro pezvinhu zvavaimbotaura.’

‘Asi zvaMai Zipfende nhai! Ko, imi munoti handisi kuda mwana here?’

‘Ko, wati wamboedzawo here kumwe Vida? Iwe unoramba wakati undundu. Munhu
chaiye anoziva, kana aona kuti zvinhu ndizvo zvazvaita izvi, anotsvagawo ega nzira
dzokuzvibatsira. Vida, fambawo uchitsvaga mwana.’

‘Nhai vasikana, ndapota, chinyatsonditsanangurirai zvamuri kureva. Ndinofambawo
seiko ndichitsvaga mwana? Mwana anotsvagwa sehowa here? Ndoenda here kunoba mwana
ndoti ndewangu?’

‘Zvakanaka Vida,’ vakadaro Mai Zipfende, ‘chiregai tikutsanangurire. Taona kuti
uchiri murima. Chatiri kureva ndechekuti tsvagawo mwana kune vamwe varume, kwete
kuna Simon chete. Ndizvo zvinoita vakadzi vazhinji vanopinda munhamo yako iyi. Tarisa
uone, uri kunzi ndiwe usingabereki. Uri kuitirwa makuhwa navamwene vako, Pamwe iye
Simon ari kutoyedzawo kumwe izvozvi.’ Izvi zvakabva zvaenderana nezvakambotaurwa
navamwene vake apo akange aramba kugamuchira zano ravo rokuti munin’ina waSimon
amupindire.

(Ndima yakanhadzurudzwa kubva muna Rurimi inyoka naG. Kuimba 1976 pp 88 — 89)

6054/2 N2021

---